Bie ashensori në një banesë,Tetë persona dërgohen në Emergjencë, 2 prej tyre fëmijë dhe 1 grua shtatzënë

Incidentet që ndodhin në ndërtesa kolektive si pasojë e ashensorëve nuk janë të rralla. Shpesh qytetarët janë bllokuar, qoftë për shkak mungesës së energjisë apo edhe defekteve të tjera. Një rast i tillë ka ndodhur sonte në Emshir, në një banesë ku ashensori ka rënë nga kati i dytë në bodrum dhe për pasojë janë lënduar tetë persona,.

Për shkaqe ende të panjohura, ashensori ka rënë dhe për pasojë banorët kanë marrë lëndime për çka janë dërguar në Emergjencë për trajtim të nevojshëm mjekësor.

Një sinjalizues ka adresuar ankesën e tij te Gazeta Sinjali duke treguar se incidenti ka ndodhur rreth orës 19:05 ndërsa në ashensor gjendeshin tetë persona, dy prej tyre fëmijë ndërsa ishte edhe një grua shtatzënë.

Gruaja shtatzënë edhe dy fëmijët kanë pësuar traumë të madhe”, u shpreh ky sinjalizues.

Ndërsa shton se në vendin e ngjarjes kanë arritur Policia, zjarrfikësit dhe ndihma e shpejtë.