Mbi 120 mijë euro të FFK’së janë transferuar në llogaritë private të rrethit të ngushtë të Agim Ademit

Një seri bonusesh të majme janë shpërndarë për anëtarët e Komitetit Ekzekutiv të Federatës së Futbollit të Kosovës (FFK). Insajderi ka siguruar këto transaksione, për të cilat merr vesh që po i heton edhe Prokuroria Themelore në Prishtinë.

Gazeta Insajderi

Vetë marrin vendim e janë ata që vetë përfitojnë. Kjo është historia e anëtarëve të Komitetit Ekzekutiv të Federatës së Futbollit të Kosovës (FFK) që është denoncuar në Prokurorinë Themelore të Prishtinës, ka mësuar Insajderi nga burime të saj.

Në këtë denoncim, të cilin e ka siguruar Gazeta Insajderi, janë dhënë krejt detajet e transaksioneve në vlera dhjetëra-mijëra euro që janë shpërndarë tek anëtarët e Komitetit Ekzekutiv, pagesa në emër të bonuseve që kalojnë pagesat e rregullta që këta punonjës të FFK marrin.