I heqi pantollat dhe filloi ta zhvishte me dhunë 80 vjeçaren- Ky është i dyshuari për sulm seksual në Vushtrri

Dje është arrestuar Bujar Bajrami, i njohur edhe si Bugja, pasi i njëjti dyshohet se ka sulmuar seksualisht një grua të moshuar në fshatin Prelluzhë të Vushtrrisë.

Fillimisht, Bajramit i ishte caktuar masa e ndalimit policor, por burimet e Gazetës Sinjali brenda Prokurorisë bëjnë me dije se ai është liruar gjatë ditës së djeshme dhe rasti ka kaluar në procedurë të rregullt.

E pas kësaj, më vonë 42-vjeçari është ftuar sërish që të intervistohet dhe më pas Prokurori i Shtetit ka urdhëruar që ai prapë të dërgohet në mbajtje.