Messi vjen në Barcelonë me familjen e tij, merr me vete 15 valixhe

Lionel Messi është parë në Barcelonë së bashku me familjen e tij, mes raporteve për një rikthim të bujshëm në Nou Camp këtë verë.

Kontrata e Messit me PSG-në do të skadojë në qershor dhe mbetet e paqartë se ku do të luajë sezonin e ardhshëm, transmeton Gazeta Express.

Ai dukej se do të nënshkruante një marrëveshje të re me kampionët francezë në fund të vitit, por të dy palët nuk kanë arritur ende një marrëveshje.

Messi thuhet se do të marrë një ofertë fitimprurëse për t’u bashkuar me rivalin afatgjatë Cristiano Ronaldo në Arabinë Saudite këtë verë, por dera është lënë gjithashtu e hapur që ai të kthehet në Barcelonë, dy vjet pasi u largua nga gjigantët katalanas.

Sipas Sport, Messi është rikthyer në Barcelonë këtë fundjavë, i shoqëruar nga familja e tij dhe 15 valixhe.

Ekipi i tij, Paris Saint-Germain nuk do të jetë më në aksion deri të dielën e ardhshme.