Drogë, rrahje, armë, djegie e veturës, çfarë ndodhi dje në Suharekë
Policia e Kosovës në raportin 24h dërguar mesiave ka njoftuar se në Suharekë 24 orët e fundit janë raportuar:
LËNDIM TRUPOR
Suharekë 25.12.2021 – 11:59. Është raportuar se pas një mosmarrëveshje të më hershme familjare, gjashtë të dyshuar meshkuj kosovar kanë sulmuar fizikisht viktimën mashkull kosovar. Viktima ka marrë tretman mjekësor dhe pastaj është liruar në shtëpi. Të dyshuarit janë shoqëruar në stacion policor dhe pas intervistimit me urdhër të Prokurorit janë liruar në procedurë të rregullt. Rasti është duke u hetuar.
DHUNË FAMILJARE
Suharekë, 25.12.2021 – 13:00. Është arrestuar i dyshuari mashkull kosovar pasi i njëjti ka sulmuar fizikisht djalin e tij kosovar, i dyshuari ishte nën ndikim të alkoolit dhe me vendim të Prokurorit është dërguar në mbajtje.
POSEDIM ILEGAL I NARKOTIKËVE
Rr. Luigj Nikolla, Suharekë 25.12.2021 – 22:11. Derisa policia ka qene duke patrulluar ka ndaluar personin e dyshuar mashkull kosovar, gjate kontrollimit në posedim të personit te dyshuar është gjetur dhe konfiskuar rreth 0.60 grm substance e llojit Marihuanë. I dyshuari pas intervistimit me vendim te Prokurorit lirohet në procedure te rregullt.
ARMËMBAJTJE PA LEJE
Suharekë 25.12.2021 – 11:55. Është raportuar se janë arrestuar tre të dyshuar meshkuj kosovarë pasi janë identifikuar përmes një incizimi ku janë filmuar duke kryer një vepër penale. Nga të dyshuarit është konfiskuar një armë zjarri me nëntë fishekë. Me urdhër të Prokurorit tre të dyshuarit janë dërguar në mbajtje.
INCIDENT ZJARRI
Rruga autostradë Fshati Vërbicë, Suharekë 25.12.2021 – 19:25. Është përfshi nga zjarri një veturë e llojit Fiat Punto. Raportohet vetëm për dëme materiale të shkaktuara në veturë. Rasti nen hetime.
