I riu në Suharekë ushtron dhunë ndaj babait dhe anëtarëve tjerë të familjes, Policia vihet në kërkim të tij

Numri i rasteve të dhunës në familje ka marrë përmasa shqetësuese në vendin tonë, pasi çdo ditë persona të ndryshëm përfundojnë në pranga si të dyshuar për dhunë ndaj familjarëve. Këto raste bëhen edhe më të rënda, kur viktima janë prindërit të cilët përjetojnë dhunë psikike e fizike nga fëmijët e tyre, raporton Gazeta Sinjali.

Një rast i tillë dyshohet se ka ndodhur në një familje në fshatin Bukosh të Suharekës, me ç’rast një person ka denoncuar në Polici djalin e tij 23-vjeçar.

Burimet e Gazetës Sinjali brenda Prokurorisë kanë bërë me dije se i dyshuari në mënyrë të vazhdueshme ka ushtruar dhunë ndaj babait dhe anëtarëve tjerë të familjes.