Pas nëntë vjetësh, Facebooku bën ndryshimin e madh

Ka kaluar kohë e gjatë që kur Messengeri ka funksionuar jashtë aplikacionit të Facebookut. Tash, nëntë vjet pas, “Meta” po e kthen prapa vendimin dhe po i bashkon.

“Jemi duke testuar mundësinë që njerëzit t’i qasen inboxit të Messengerit brenda aplikacionit të Facebookut dhe së shpejti do ta shihni këtë veçori”, ka thënë shefi i Facebookut, Tom Alison, shkruan “Engadget”. “Duam ta bëjmë më të lehtë e më të thjeshtë për njerëzit që të lidhen me njëri-tjetrin”.