22-vjeçarja pranon se e mbyti shoqen e ngushtë, për 9 milionë dollarë
Denali Brehmer, 22 vjeç, është deklaruar fajtore për vrasjen e shoqes së saj më të ngushtë, pasi një burrë në internet i ka ofruar asaj 9 milionë dollarë.
Sipas një deklarate nga Departamenti i Drejtësisë në Alaskë, Denali, 18 vjeç në atë kohë, vrau Cynthia Hoffman, 19 vjeç, në vitin 2019 pas një ryshfeti nga dikush në internet.
Personi në fjalë nuk kishte asgjë personale me miken e ngushtë të Brehmer. Ai kishte kërkuar thjesht që i gjithë krimi të filmohej.
“Ajo u akuzua për vrasje të shkallës së parë dhe për manipulim të provave”, tha prokurori i shtetit Patrick McKay.
Dënimi i Brehmer është caktuar për datën 22 gusht dhe mund të përballet me një dënim nga 30 deri në 99 vjet burg.
Në qershor 2019, Hoffman, Brehmer dhe mikja e tyre e përbashkët, Kayden McIntosh, 19 vjeç, po shëtisnin në ujëvarat Thunderbird në Chugiak, Alaska, kur Hoffman u zhduk.
Trupi i Hoffman u gjet dy ditë më vonë, i lidhur me shirit ngjitës, me një plagë me armë zjarri në pjesën e pasme të kokës.
Gjatë hetimit, autoritetet zbuluan se Brehmer ishte në një lidhje online me një burrë të quajtur “Tyler”, i cili pretendonte se ishte milioner. Dyshohet se ai i ofroi të resë 9 milionë dollarë për të sulmuar seksualisht dhe vrarë dikë, si dhe për t’i dërguar atij foto dhe video të sulmit dhe ekzekutimit.
Sipas të dhënave të gjykatës, Brehmer dhe McIntosh e çuan Hoffman me makinë në “Thunderbird Falls”, ku e lidhën dhe bënë foto dhe pamje para se ta qëllonin në pjesën e pasme të kokës.
Një tjetër mik, Caleb Leyland, 23 vjeç, u arrestua gjithashtu për pjesëmarrje në krim. Sipas Alaska Star, Leyland pranoi se ai ndihmoi në planifikimin e vrasjes së Hoffman dhe lejoi Brehmer të përdorte automjetin e tij për të kryer krimin.
Leyland u dënua me akuzë për vrasje, një akuzë për komplot për të kryer vrasje dhe akuza të shumta për sulm seksual me një të mitur.
Çështjet e McIntosh dhe Leyland janë ende në pritje.
Sipas një raporti të policisë, dy të mitur – një mashkull dhe një femër, emrat e të cilëve janë mbajtur të fshehtë – ishin gjithashtu “të përfshirë në planifikimin e kësaj vrasjeje me Brehmer dhe McIntosh”.
Në vitin 2019, “burri” në internet u identifikua si Darin Schilmiller, atëherë 21 vjeç, nga Indiana. Sipas të dhënave të gjykatës, ai u akuzua për komplotimin e vrasjes së Hoffman.
Më 15 shkurt, Schilmiller, tani 24 vjeç, u deklarua fajtor për vrasje të shkallës së parë. Ai është aktualisht në burg në Alaskë dhe në pritje të gjyqit, sipas Alaska Media Public.
