Sizmologu francez parashikon një tërmet mbi 7.6 ballësh në këtë vend

Sizmologu dhe gjeofizikani francez, Xavier Le Pichon analizoi tërmetet që tronditën 11 provinca në shtetin turk. Duke thënë se ka më shumë se njëzet vjet që analizon aktivitetet e tërmeteve dhe lëkundjet e mundshme të tokës në Turqi, ai theksoi se ky vend është një zonë e tërmeteve.

Le Pichon tha se Turqia është një vend që gjeologjikisht është “në proces formimi”, që do të thotë se duhet përgatitur për më shumë tërmete. “Unë mendoj se do të ketë vetëm një tërmet mbi 7.6 shkallësh të Rihterit në Marmara”, tha ai, raporton t24.com.tr. Lidhur me tërmetet me magnitudë 7.7 dhe 7.6 ballësh në Kahramanmaras, shkencëtari deklaroi se “tërmeti i dytë ishte krejtësisht i paparashikueshëm”. Turqia deri më tani ka regjistruar mbi 40 mijë persona të vdekur ndërsa shumë të tjerë konsiderohen të zhdukur.