Vidhen një lopë dhe një viç

Një person ka raportuar se persona të panjohur i janë futur në stallë dhe ia kanë vjedhur dy gjedhe (një lopë e një viç).

Policia në raportin e saj 24-orësh ka njoftuar se rasti ka ndodhur të shtunën në mëngjes në Gllanasellë. Rasti po hetohet.

“Gllanasellë, Gllogoc 14.01.2023 – 08:03. Ankuesi mashkull kosovar, ka informuar se persona të panjohur me forcë kanë depërtuar në stallë dhe kanë vjedhur dy gjedhe (një lopë dhe një viç),. Rasti është duke u hetuar”, thuhet në raportin e Policisë.