Shala dhe Sopaj i përveshen punës në Sallagrazhdë

Kandidati për kryetar të komunës nga Lidhja Demokratike e Kosovës Dr.Ardian Shala i shoqëruar nga kandidati për asamble komunale nga fshati Sallagrazhdë z.Ilir Sopaj gjatë vizitës në Sallagrazhdë nuk qëndruan duarkryq.

Ata ngjyrosën përmakët e urës, për ti dhënë kështu një pamje më të bukur.

Shala dhe Sopaj së bashku kanë vizituar edhe biznese dhe fermerë të fshatit, duke iu premtuar mbështetje.

Ja postimi i plotë nga Ardian Shala:
Në Sallagrazhdë, së bashku me kandidatin për asamble, Ilir Sopaj u kujdesëm për parmakët e urës mbi Lumbardh, duke i ngjyrosur.

Fushatën e vazhduam me vizita te disa biznese, ku e veçam atë të përpunimit të gurit (mermer dhe granit), me ç’rast premtuam se do të ngrisim zona ekonomike që do të kenë ndikim në rritjen e punësimit.

Takimi me fermerë që mbajnë dele, ku theksova se subvencionet do të jenë të bazuara në kritere ligjore dhe përkrahje meritore. Ngritja e stallave është prioritet për blegtorët e përkushtuar.

Në takimin me kultivuesin e bimëve dekorative, premtova përkrahje rreth rregullimit të kanalizimit në atë zonë.

Qeverisja e mirë po vjen!

Suhareka për të gjithë!