Ky është rreshteri që u arrestua sot, kishte lidhje me grupin kriminal që bënin vrasje me pagesë
Inspektorati Policor i Kosovës respektivisht hetuesit e Departamentit të Hetimeve kanë arrestuar sot një zyrtar policor.
Arrestimi është bërë me dyshimin se i njëjti ka kryer veprën penale të “Keqpërdorim i detyrës zyrtare apo autoritetit”
Burimet e Sinjalit bëjnë të ditur se rreshteri që u arretua sot është Ajet Dakaj.
Sipas informacioneve të Sinjalit, Dakaj i cili ishte i njësitit antiterror, ishte i përfshirë në një grupi kriminal të cilët dyshohen për tentim vrasje, rrahje, detyrim, zjarrvënie e vepra të tjera kriminale.
Në janar të këtij viti, Policia e Kosovës në koordinim me Prokurorinë, rezultoi me arrestimin e katër personave që dyshohen të jenë përfshirë në veprimtari kriminale që një periudhë të caktuar.
Ky grup dyshohet se ka operuar me pagesë, për t’u angazhuar me para për rrahjen e personave të caktuar. Hetimet e zhvilluara deri më tani kanë zbuluar së paku 6 persona, të cilët janë identifikuar si subjekt i “trajtimit” nga ky grup.
Rrahje e djegie veturash me pagesë, kështu vepronte grupi kriminal i arrestuar në Prishtinë
Të dyshuarit kanë kryer veprimtari kriminale me porosi, varësisht nga vepra që kanë kryer. Të dyshuarit e kanë caktuar çmimin varësisht prej intensitetit të plagosjes, rrahjes, djegies së veturës e të tjera.
Anëtarët e këtij grupi kriminal janë kapur gjatë ditës së djeshme gjatë aksionit të zhvilluar nga Policia në disa lokacione në Rajonin e Prishtinës, në asistim me Njësinë Speciale dhe Njësinë e Reagimit të Shpejtë.
Burimet nga Prokuroria kanë bërë me dije për Sinjalin se katër personat e arrestuar gjatë ditës së djeshme dyshohen për kryerjen e disa veprave penale si: Vrasje e rëndë në tentativë, shkaktim i rrezikut të përgjithshëm, lëndim i rëndë trupor, zjarrvënie, privim i kundërligjshëm nga liria, detyrim, posedim i paautorizuar i armëve e vepra të tjera.
