Çmimi i naftës ka rënë për 13%

Kryetari i Odës Ekonomike të Kosovës, Berat Rukiqi, ka thënë se stabilizimi i tregut të naftës në Kosovë do të zgjasë, mirëpo ka shtuar se ka lajmet ë mira në këtë drejtim.

Rukiqi ka thënë në T7 se ka pasur rënie prej 13% të çmimit të naftës.  

“Lajmi i mirë është se në krejt këtë tregimin e këtyre ditëve të fundit, është mbyllur çmimi i fundit 110 dollarë për barelë. 13% ka rënie me mbylljen e natës paraprake”, ka thënë ai.

Ai ka treguar se kjo do të ndikojë në rënien e çmimit në Kosovë dhe se ai sektor është në monitorim dhe nuk mund të ketë manipulim me çmime.  

“Kësaj here të gjithë e kanë në monitorim këtë çështje dhe është presioni tek vet sektori dhe duhet të reflektohet shpejt. Jashtë naftës mund të ketë ndërhyrje. Ishte një shkrim në Wall Street Journal se Princi kërkon amnisti për vrasjen e atij gazetarit. Është se nuk do të ketë rregullim të shpejt të çmimeve”, përfundoi ai.