Ushtria ukrainase del me raport për betejat me forcat ruse

Ushtria ukrainase sapo ka lëshuar raportin e saj operacional që nga ora 6 e mëngjesit me orën lokale, duke vënë në dukje se forcat e saj kanë “luftuar beteja të ashpra për të ruajtur kufijtë e caktuar”.

Një operacion mbrojtës në pjesën lindore të distriktit operacional të Donetskut është duke u zhvilluar, ndërsa përpjekjet janë përqendruar në mbrojtjen e qytetit të Mariupolit, tha ushtria.

Sipas raportit, forcat ruse u ndaluan nga një avancim drejt rajonit të Dnipropetrovsk nga Balaklia dhe një operacion për të mbrojtur qytetin e Chernihiv është duke u zhvilluar.

Raporti i referohet “humbjeve të rënda në armë, pajisje dhe personel” krahas humbjeve të 88 avionëve dhe helikopterëve rusë.

“Disa pilotë armik që u katapultuan dhe mbijetuan u gjetën nga ushtarët ukrainas. Ata kanë marrë trajtim mjekësor dhe tashmë po dëshmojnë për krimet e regjimit të Putinit kundër njerëzimit”, thuhet në raport.

“Për shkak të rezistencës së të gjithë popullit ukrainas, trupat ruse janë ‘demoralizuar’ me “gjendje morale dhe psikologjike jashtëzakonisht të ulët … për shkak të vetëdijes për gjendjen reale të punëve”, tha shtabi i përgjithshëm i forcave të armatosura të Ukrainës. /GazetaSinjali/