Uk Lushi: Serbia dhe Putini po përgatisin planin e ndërhyrjes në veri të Kosovës

Në kohën e agresionit rus në Ukrainë, aktivisti shqiptar në SHBA njëherësh ish- luftëtari i UÇK-së nga Batalioni Atlantiku, Uk Lushi, ka paralajmëruar një sulm të mundshëm të Serbisë në veri të Kosovës, në bashkëpunim me Rusinë.

Lushi, duke u thirrur në shërbime të inteligjencës, ka thënë se Serbia dhe Putini janë duke përgatitur planin e një inkursioni në veri të Kosovës.

Ai ka kërkuar nga NATO, KFOR-i, Forca e Sigurisë së Kosovës dhe populli i Kosovës që të jenë gati.

According to some intelligence services #Serbia and Putin are preparing a plan of an incursion in the north of #Kosovo. #NATO, KFOR, Kosovo Security Force, and the people of Kosovo should be ready.

— Uk Lushi (@UkLushi) March 5, 2022

“Sipas disa shërbimeve të inteligjencës, Serbia dhe Putini janë duke përgatitur planin e një inkursioni në veri të Kosovës. NATO, KFOR-i, Forca e Sigurisë së Kosovës dhe populli i Kosovës duhet të jenë gati”, ka shkruar Lushi në një postim në Twitter.

Ndryshe, Ministria e Mbrojtjes së Kosovës ka informacione se Serbia është duke mobilizuar rezervistët e saj në Serbi dhe Kosovë.

Ndërsa, ministri i Brendshëm serb, Aleksandar Vulin, ka vizituar sot njësitet speciale të Policisë Serbe, të cilat po stërviten pranë kufirit me Kosovën.