Kuleba: Ushtria ruse ‘qëllon nga të gjitha anët’ në një central bërthamor që flakëron

Trupat ruse po “qëllojnë nga të gjitha anët” në termocentralin bërthamor të Zaporizhzhia që është në flakë, tha ministri i jashtëm ukrainas Dmytro Kuleba.

“Nëse shpërthen, do të jetë 10 herë më i madh se Çornobili!”, paralajmëroi ai në Twitter, duke iu referuar vendit të një centrali tjetër ku radioaktiviteti po rrjedh ende nga fatkeqësia më e keqe bërthamore e historisë 36 vjet më parë.

Ai shtoi: “Rusët duhet të ndërpresin MENJËHERË zjarrin, të lejojnë zjarrfikësit, të krijojnë një zonë sigurie!”