Shala takon banorët e Dobërdelanit, para tyre zotohet për investimet që do t’i realizoj

Në fshatin Dobërdelan së bashku me kandidatin e LDK për asamble komunale, Mentor Gallapeni, shpalosëm programin e LDK-së që siguron prosperim të gjithmbarshëm ekonomik, shëndetsor dhe arsim cilësor.

Në fokus do ta kemi përmirësimin e jetës së qytetarëve pa dallim.

Jam zotuar se në përpikëri gjatë mandatit katërvjeçar investimet në infrastrukturën e fshatit do të jenë si vijon:

Rregullimi i rrugës “Shkolla”, rregullimin e rrugëve lokale dhe trotuaret, rregullimi i rrethojave të varrezave, rregullimin e kanalizimit të mbetur, rregullimin e ndriçimit publik, ndërtimin e kroit të fshatit dhe shetitores te Butiat, hulumtimi dhe hapja e puseve për ujë të pijshëm, rregullimin e rrugës “Metush Krasniqi” dhe lidhja me Samadraxhën.

Këto investime janë dëshmi se përkushtimi i LDK-së për mirëqenien qytetare është prioritet. I falënderova banorët e fshatit Dobërdelan për pritjen dhe i ftova që së bashku të punojmë për interesin qytetar në pajtim me moton tonë Suhareka për të gjithë!