Shala viziton Samadraxhën, premton trajtim serioz

Dr.Ardian Shala kryetr i LDK-së dega në Suharekë, i cili njëherit është edhe kandidat për kryetar nga kjo parti dje ka vizituar fshatin Samadraxhë ku është takuar dhe ka biseduar me bankrë të fshatit.

Shala mes tjerash ka thënë se:

“Në Samadraxhë, në fshatin që i ka dhënë shumë Kosovës, në fshatin e 15 dëshmorëve dhe 26 martirëve të lirisë, në fshatin e punës e të përparimit, ndjehem mirë. Ndjehem mirë në veçanti sepse, takova të rinjtë e këtij fshati të madh, të njohur dhe dinjtoz.

Ashtu sikur dje ishte në ballë të detyrës, sot rinia e Samadraxhës është rini që me aktivitetet e tyre, e bëjnë këtë fshat të këndshëm për jetë, për punë dhe me perspektivë, andaj takimi me të rinjtë e këtij fshati shembullor, është sa i mirëpritur, aq edhe optimist.

Sfidat dhe kërkesat e qytetarëve të Samadraxhës nuk janë të mëdha, as të parealizueshme, por, kërkojnë vullnet, kërkojnë konsekuencë dhe trajtim me seriozitet, përtej fushatave, përtej premtimeve boshe.

Në takimet që zhvilluam, theksova se mund të bëjmë më shumë, dhe më mirë. Sepse kemi vullnetin, dhe bashkë mundemi.”/ Ka shkruar Ardian Shala në llogarin e tij në facebook.